மொழிமனம்
‘ரிஷி’
(லதா ராமகிருஷ்ணன்)
மண்புழுவை மகா பாம்பு என்று
கண்ணையுருட்டிச் சொன்ன சிறுவனை
தப்பாகச் சொன்னதற்காயொரு
அப்பு அப்ப எழுந்துகொண்டு்
மகா பாம்பா, மகாப்பாம்பா – எது சரி
என்று ஒருகணம் குழம்பிய
பிறகு
மக்கு மக்கு என்று குட்டப்போன
உறவுக்காரரின் கையைத்
தட்டிவிட்ட தந்தை
ஈன்றபொழுதின் பெரிதுவந்துரைத்தார்
பக்குவமாய்:
’என் பிரிய மகன் அரும்புகிறான்
பெருங்கவியாக!’
No comments:
Post a Comment