படைப்பாளியின் அடையாளம்
‘ரிஷி’
(லதா ராமகிருஷ்ணன்)
சிறுவயதில்
உறவினர்கள் குழுமும் நாட்களிலெல்லாம்
ஒருவர் தனக்குத் தெரிந்த பிரமுகரின்
பெயரைச் சொல்லி
பெருமையோடு மற்றவர்களைப் பார்ப்பார்.
இன்னொருவர் தனக்குத் தெரிந்த
இன்னொரு பிரபலத்தோடு
தான் நின்றுகொண்டிருக்கும்
(முந்தைய நாள் இரவே கவனமாகத்
தேடியெடுத்துவைத்திருந்த)
புகைப்படத்தை சுற்றுக்கு விடுவார்.
பெரிய நீதிபதியின் பெயரைச்
சொல்வார்கள்;
மருத்துவ நிபுணரின் பெயரைச்
சொல்வார்கள்;
ஆட்சியாளர், மாவட்ட ஆட்சியாளர் என
அவர்களிடம் ஒரு பட்டியலே உண்டு.
இடத்திற்குத் தக்கவாறு ஒரு பெயரை
எடுத்துவிடுவார்கள்.
அன்னாரைத் தெரிந்திருப்பதே
தன் தனி அடையாளமாய்
இன்னாரை அறிந்திருப்பதே
தனக்கான படைபலமாய்.
அவர்களுடைய பேச்சில்
பிரமுகராகவோ
பிரபலமானவராகவோ
படைப்பாளிகளைப் பார்க்க
முடிந்ததேயில்லை.
இன்று பார்க்கமுடிகிறது _
நிறையவே
அரசியல்வாதிகளின் அருகில்
திரையுலகினரின் அருகில்
பெருமைபொங்க ‘போஸ்’ கொடுத்தபடி
படைப்பாளி நின்றுகொண்டிருக்கும்
No comments:
Post a Comment