நனவோடை
‘ரிஷி’
(லதா ராமகிருஷ்ணன்)
ஆடிக்கொரு வாழ்த்து
அமாவாசைக்கொரு வசவு
என
நெசவு நெய்யப்பட்டிருக்கும் நேசத்தில்
கசகசக்கும் வியர்வையாய்க்
கிழிசல்பிரிகளாய்க்
கலந்திருக்கும்
கசப்பும் வெறுப்பும் வேறுமான
காலவேலைப்பாடுகள்.
போதாமைகள் நூறாகியும்
திரும்பத்திரும்ப விரும்பித் தரித்திருக்கத் தோதாய்
ஆதாரமென்மையாய் மனதைப் பின்னிப் படர்ந்திருக்கும்
மாசறு அன்பில்
மங்காது சுடர்விடும் அடர்வண்ணங்கள்.
No comments:
Post a Comment