’MORBID TO THE CORE’ மனிதநேயவாதிகள்
தத்தமது Trumpetகளைத் தாமே ஊதித்தள்ளும்
தன்னிகரில்லா _
’morbid to the core’ மனிதநேயவாதிகள்
சாவைத் துல்லியமாய் அளக்குந் துலாக்கோல்
தம்மிடம் மட்டுமே உள்ளதாய் அறிவித்து
இல்லாமல் போனவர்களின் பிறப்பை உள்குத்தாய்ச்
சொல்லிச் சொல்லி ஏசிப்பேசி
ஒப்பாரிவைப்பதைக் கண்டு
கூசிப்போய் அலைவீச மறந்து அழுகிறது கடல்.
விரிந்த நீர்ப்பரப்பு உடலென்றால்
அதன் காதுகள் எங்கிருக்கிறதென்று தெரியவேண்டும் எனக்கு.
கண்ணீர்விடுவதை உடனடியாக நிறுத்தச் சொல்ல…..
அப்படிச் செய்யவில்லையென்றால் அதன்மீது வீசப்படலாகும்
ஆக்கங்கெட்ட அடைமொழிகள், அழுகிய தக்காளிகள்
அன்னபிறவற்றை
முன்கூட்டியே எண்ணிச்சொல்ல…
No comments:
Post a Comment