தோசையம்மா தோசை
ரிஷி
(லதா ராமகிருஷ்ணன்)
அடுத்தடுத்து வார்த்துத்தரப்பட்ட தோசைகளைச்
சப்புக்கொட்டி விழுங்கியபடியே
'தோசை சுடத்தான் நீங்கள் லாயக்கு' என்று யாரிடம் சொன்னானோ
அவர் மீது அபரிமிதமான மதிப்பு வைத்திருப்பதாகவும்
எழுதிக்கொண்டிருப்பவனை
திருப்பிப்போடப்பட்ட தோசையிலிருந்து மீண்ட
சட்டுவம்
ஓங்கிக் குட்டுவதாய் உயர்ந்து, பின்
’அடப்போய்யா சர்த்தான்’ என்று
அடுத்த தோசையைக் கிண்டாமல் திருப்புவதில்
கவனத்தைத் திருப்பியது.
No comments:
Post a Comment