அன்னா அக்மதோவாவின் கவிதை ஆங்கிலத்திலிருந்து தமிழில்: லதா ராமகிருஷ்ணன்

 அன்னா அக்மதோவாவின்

கவிதைகள் 3

ஆங்கிலத்திலிருந்து தமிழில்: லதா ராமகிருஷ்ணன்

1

போகும்வழியில் எண்ணிக்கொண்டேன் _

வளர்ந்தமனிதராகிவிடுதல்

வந்துபோகும் வருடங்களில்

தானாக நடந்துவிடும் என்று

நல்லவிதமாக இருந்தால்போதும்

வாழ்க்கை எளிதாகிவிடும் என்று.

யாருமே சொல்லவில்லை

முழுமனிதராக வளர்ச்சியடைதல்

மிக மிகக் கடினமாயிருக்கும் என்று.

A POEM BY ANNA AKHMATOVA

SOMEWHERE ALONG THE WAY

I GOT THE NOTION

THAT ADULTHOOD COMES AUTOMATICALLY

WITH THE PASSING OF THE YEARS

AND THAT I F I WOULD JUST BE GOOD ENOUGH

LIFE WOULD BE EASY.

NOBODY TOLD ME

GROWING UP

WOULD BE SO HARD.

(2)

கனவில்

அன்னா அக்மதோவா

(ஆங்கிலத்திலிருந்து தமிழில்: லதா ராமகிருஷ்ணன்)

இருண்டடர்ந்த மிக நீண்ட பிரிவை

உன்னோடு சரிசமமாய்ப் பகிர்ந்துகொள்கிறேன்

ஏன் தேம்புகிறாய்? உன் கையைக் கொடு.

திரும்பிவருவாய் என்று உறுதிகூறு.

நீயும் நானும் நெடிதுயர்ந்த மலைகளைப் போன்றவர்கள்;

இன்னும் அருகிலேக நம்மால் இயலாது.

எப்போதாவது நள்ளிரவில் என்னிடம் பேசு

நட்சத்திரங்கள் வழியாக.

அன்னா அக்மதோவாவின் கவிதை

ஆங்கிலத்திலிருந்து தமிழில்: லதா ராமகிருஷ்ணன்

என் வழி்

ஒன்று நேர்வழிகளில் செல்கிறது,

ஒன்று வட்டமாய் அலைகிறது:

அவனுடைய கடந்தகாலப் பெண்ணொருத்திக்காய்க் காத்திருக்கிறது,

அல்லது வீடு திரும்புவதற்காக.

ஆனாலும், நான் போகிறேன் _ அங்கே காத்திருக்கிறது அவலம் _

நேராகவோ, அகன்றுவிரிந்தோ அல்லாத வழியொன்றில்

என்றுமான இன்மைக்குள்

ரயில்பாதைகளிலிருந்து நீங்கிய ரயில்கள் போல்.

l reactions: