புத்துயிர்ப்பு
‘ரிஷி’
(லதா ராமகிருஷ்ணன்)
*12 செப்டம்பர் 2021 தேத்யிட்ட பதிவுகள் இணைய இதழில் வெளியாகியுள்ளது.
மரணத்திற்கு அப்பாலுள்ள மிக கனத்த இருட்சுவரை
ஒருமுறையேனும்
வலுகொண்ட மட்டும் உந்தித் தள்ளி
ஒருபுறமாய் ஒதுக்கி விலக்கி
மறுபுறமுள்ள தரமான தமிழ்ப்படைப்பாளிகள் சிலரைக்
கைப்பிடித்து அழைத்துவந்து
அவர்களுடைய ஆக்கங்கள் உண்டாக்கும் தாக்கங்களை
இன்று சிலர் அத்தனை ஊக்கத்தோடு பேசிக்கொண்டிருப்பதைக்
கேட்கச்செய்யவேண்டும் என்ற
தீரா ஆசை
ஆறாக் காயமாய் வலித்தாலும்
பரவாயில்லையென் றதை தினம்
சாம்ஸன் தலைமுடியாய் தனக்குள் வளரவிட்டவாறிருக்கும்
ஆன்ற வாசக மனம்.
No comments:
Post a Comment