இயக்கம் -‘ரிஷி’ (லதா ராமகிருஷ்ணன்)

இயக்கம்

‘ரிஷி’

(லதா ராமகிருஷ்ணன்)

பேரிடரைப் பேசுவதாயிருந்தாலும் அவர் தவறாமல்
அதே ஒயிலாய் தலைசாய்த்து நிற்கத்
தவறமாட்டார் ஒருபோதும்.

ஒப்பனை எப்போதும்போல் கச்சிதமாயிருக்கும்.

தத்துவமாய் சில பல வாசகங்களை உதிர்த்து
புத்தகங்கள் ஒன்றிரண்டை மேற்கோள் காட்டி _
சத்தம் குறைந்த இகழ்ச்சிச் சிரிப்பொன்றை
முத்தாக உதிர்த்து
முத்தாய்ப்பாய் இந்தியாவை,
இந்திய மக்களை,
இந்திய அரசை
மிகக் கொச்சையாய்ப் பழித்த பின்
சக மனிதர்களுக்கு இதைவிடப் பெரிய
சேவை செய்ய முடியுமா என்ன
என்ற பாவனையோடு
அடுத்த பதிவை நோக்கி நகரும்
அவரையும் நிலைகுலைந்துவிழச் செய்யாமல்
பத்திரமாய்த் தாங்கியபடி
தன்போக்கில் சுழன்றுகொண்டிருக்கும் பூமி.

 2.