விளம்பர யுகம்
ரிஷி
(லதா ராமகிருஷ்ணன்)
அரதப்பழசுக் கதையை
அசல் புதுக்கதையைப்போலவே
ஆனமட்டும் எழுதப்பார்த்தும்
முடியாமல் போனதில்
மனமொடிந்துபோன ‘மகாமெகா’
எழுத்தாளரிடம்
ஒரு சகாவாய்
கனிவாய் பார்த்து
கண்சிமிட்டிச் சிரித்தபடி
சொன்னதொரு
அசரீரி:
அட, அழலாமா இதற்கெல்லாம்?
அன்றுமில்லை என்றுமில்லை
அதிபுதிய கதை இங்கே இன்று
என்று
ஆறு ஆள் உயர அல்லது அறுபது
ஆள் உயர
AD ஒன்று கொடுத்துவிட்டால்
போதுமே
அதன்பின் உன் கதையே புத்தம்புதி
தெப்போதுமே….
அது சரி அது சரி
ஆ சிரி சிரி சிரி சிரி….
No comments:
Post a Comment