6..நுண் கதை - ரிஷி (லதா ராமகிருஷ்ணன்)

 6..நுண் கதை

ரிஷி

(லதா ராமகிருஷ்ணன்)

அடுத்திருந்த வீட்டை
இடித்துக்கட்டிக்கொண்டிருந்ததால்
திரட்டித் திங்க வாகாய்
விரிந்து பரந்து குமிந்திருந்தது மண்.
தினமும் குழந்தையைத் திங்கவிட்டு
பின் அதன் வாயை வலிக்குமளவு
அகல விரித்துப் பார்த்தாள்
மண் கண்டாள் மண்ணே கண்டாள்
பின்
வயிற்றுவலியில் வீறிட்டழுத குழந்தையை
இரண்டடி ஆத்திரம் தீர அடித்துவிட்டு
இடுப்பில் தூக்கிக்கொண்டு
மருத்துவமனைக்கு ஓடினாள்.