CONDITIONAL கருணையாளர்கள்
ரிஷி
(லதா ராமகிருஷ்ணன்)
புறாவுக்காக தானியங்களைத் தனது கவிதை வரிகளெங்கும் தூவிவைப்பார்
சிற்றெறும்புக்கு சுவைக்கக் கற்கண்டு கிடைக்கவில் லையே
என்று கண்ணீர் உகுத்தவாறே
வீட்டிலிருக்கும் சர்க்கரை புட்டியின் அடியிலிருந்து
சுரண்டியெடுத்துப் போடுவார்
மதிய தேனீருக்கு இல்லையென்றால்
பரவாயில்லை என்றவாறே
வீதியோரம் அடிபட்டுக்கிடக்கும்
பூனைக்குட்டியைத்
தனது கவிதையின் சஞ்சீவி மூலிகைகளால் குணப்படுத்தி
கைகளில் எடுத்துக் கொஞ்சுவார்
சுவாசிக்கவும் மறந்து வாசிக்க வாசிக்க
நேசம் பெருக்கெடுக்கும்.....
ஆனால் தேசம் என்றால் மட்டும்
மோசக்காரா என்பார்.
ஊரையெல்லாம் நாசம் செய்வோரை
ஏசினால்
பேசாதே என்று சங்கியாக்கி சனாதனியாக்கி
மங்க்கியாக்கி
மொட்டையடித்து கரும்புள்ளி செம்புள்ளி குத்தி
சமத்துவவாதியாய்
தன்னார்வல BOUNCER ஆக, BODYGUARD ஆகக்
காவல் காத்துக்கொண்டிருப்பார் என்னாளும்
‘SOME ARE MORE (MUCH MORE) EQUAL’
சிம்மாசனவாதிகளை
No comments:
Post a Comment