மாற்றுக்கருத்தாளர்கள் இங்கே மிகக் கொடிய ஃபாஸிஸ்ட்டுகள்!

 மாற்றுக்கருத்தாளர்கள் இங்கே மிகக் கொடிய ஃபாஸிஸ்ட்டுகள்!

..................................................................................................................................

எழுத்தாளர் கோபிகிருஷ்ணனின் கதையொன்றில் பிரதான கதாபாத்திரம் மனநோய் மருத்துவரிடம் போயிருப்பார். மருத்துவர் கேள்விகள் கேட்கக் கேட்க பதிலளிக்கும் கதாநாயகன் நடுநடுவே ‘ரிலாக்ஸேஷன்’ என்ற ஆங்கில வார்த்தையைப் பயன்படுத்துவார். அவர் முன்வைக்கும் கருத்துக்கும் அந்த வார்த்தைக்கும் சம்பந்தமிருக்காது. புரியாமல் குழம்பியவராய் மருத்துவர் அது குறித்துக் கேட்கும்போது ‘ஏன் டாக்டர், நடுநடுவே இந்த வார்த்தையை சும்மா சொல்லலாம்னுதான்’ என்பதாகவோ என்னவோ ஒரு பதிலைச் சொல்வார். நகைச்சுவைத் தொனியில் எழுதப்பட்ட கதையென்றாலும் அதன் உள்ளர்த்தம் அத்தனை நகைச்சுவையானதல்ல. அது சமூகத்தின் மீது, சில மேம்போக்கு ஆசாமிகள் மீதான விமர்சனம்.

இப்போது ஆளாளுக்கு எதிர்க்கருத்தாளரை ‘ஃபாஸிஸ்ட்’ என்று அடைமொழியிட்டு வசைபாடுவதைப் பார்க்கும்போது இந்தக் கதை ஞாபகத்திற்கு வருவதைத் தவிர்க்கமுடியவில்லை.