அமேஸான் - கிண்டில் மின் நூல்!
தொடுவானமல்லவே ஆங்கிலம்!
அதேசமயம், ஆங்கிலம் தெரியாத, புரியாத, பேசவராத காரணத் தால் வேறுதுறைகளில், குறிப்பாக கவிதை யெழுதுவதில், தரம் வாய்ந்தவர்களும் தாழ்வு மனப்பான்மையில் உழலும் தருணங்கள் நேருவதுண்டு.
பள்ளியிறுதி வரை தமிழ்வழிக் கல்வி கற்று கல்லூரியில் ஆங்கிலப்பாடம் எடுத்தபோது விரிவுரையாளர் கேட்கும் கேள்வி களுக்கு தொண்டைக்குழி வரை சரியான விடைகள் முட்டும். ஆனால், கோர்வையாக அவற்றை ஆங்கிலத்தில் சொல்ல வியலாத காரணத்தால் மௌனம் சாதிக்கவேண்டிய நிலை.
ஆங்கிலத்தில் தடாலடியாகப் பேசும் மாணாக்கர்கள் வெகு ஜோராக எழுந்துநின்று சரளமான ஆங்கிலத்தில் தவறான பதில்களை வெற்றிச்சிரிப்போடு சொல்லுவார்கள்!
இலக்கணப் பிழையில்லாமல் ஆங்கிலத்தில் விடையெழுதி அதிக மதிப்பெண்கள் பெறமுடியும் என்றாலும் அப்போதெல்லாம் ஆங்கிலத்தில் பேசத் துணிவே வராது.
அதனால்தான் இப்போதெல்லாம் கிரிக்கெட், சினிமா போன்ற துறைகளில் இருப்பவர்களுக்கு ஆங்கிலத்தில் ‘க்ராஷ்கோர்ஸ்’ என்பதாய் ஒருவழி முறையில் ஆங்கிலம் பேசக் கற்றுத்தரப்படுகிறது. அதாவது, இலக்கணம் கற்பிப்பதிலிருந்து ஆங்கிலம் கற்றுத் தருவது என்ற நிலைமாறி ஒருவர் எந்தத் துறையைச் சார்ந்தவரோ அந்தத் துறை சார்ந்து அவரிடம் என்ன கேள்விகள் பொதுவாகக் கேட்கப்படும், அவற்றிற்கு அவர் என்னவிதமாய் தர்மசங்கடப்படாமல் எளிய ஆங்கிலத்தில் பதிலளிக்கமுடியும், எப்படி தன் எண்ணத்தை வெளிப்படுத்த முடியும் என்பதே கற்றுத்தரப்படுகிறது.
அப்படியொரு எளிய முயற்சியே இந்த நூல்.
லதா ராமகிருஷ்ணன்
No comments:
Post a Comment