சிறுசேமிப்பு
‘ரிஷி’
(லதா ராமகிருஷ்ணன்)
இன்னும் சொல்லில் வந்திறங்காமல்
வெகுதொலைவில்
அந்தரத்தில் பித்தம் தலைக்கேற சுற்றிச்சுற்றி
வட்டமடித்துக்கொண்டிருந்த
உணர்வொன்று கவிதையாகுமா ஆகாதா என்று
ஆரூடங்கேட்க/கூறத் தொடங்கினேன்.
அறிவியல் கோபத்தோடு கணினியை அணைத்துவிட
சேமிக்காத என் வரிகள் என்றுமாய் காணாதொழிந்தன.
நினைவுண்டியலைக் குலுக்கிப் பார்த்தேன்.
சன்னமாய் கேட்கும் ஒலி
செல்லாக்காசுகளோ,
சில்லறையோ,
சில்லறையோ,
சுருங்கி மடிந்த இரண்டாயிரம் ரூபாய்த் தாளோ,
தொகை குறிப்பிடப்படாமல் கையொப்பமிடப்பட்டிருக்கும் காசோலையோ...
No comments:
Post a Comment