இன்னுயிர்
எனக்கிருப்பது ஓருயிரில்லையென்று நன்றாகவே தெரிகிறது.
ஈருயிர்மட்டுமேயென்றிருக்கவும் வழியில்லை……
இருகைகளின் பத்துவிரல்களுக்கும்
மனக்கைகளின் ஏராளம் விரல்களுக்கும்
சிக்காத எண்ணிக்கையை எதைக்கொண்டு கணக்கிட
வெனும் கேள்வி கொன்றுகுவிக்கும்
எனதின்னொருயிரின் வயது
சின்னக்குழந்தையினுடையதா
உன்மத்தக்கிழவியினுடையதா
இன்று புதிதாய்ப் பிறக்கும் என்னுயிர்கள் எவையெவை
எதுவாயினும்
என்றுமே
என் ஓருயிரைக் காப்பாற்ற
என் இன்னொரு உயிரை நான்
கொன்றாகவேண்டியிருக்கிறது.
No comments:
Post a Comment