அப்பால்….. ‘ரிஷி’ லதா ராமகிருஷ்ணன்)

அப்பால்…..

‘ரிஷி’ 

லதா ராமகிருஷ்ணன்)

என்னிடம் பூனை பேசியது'
'என்றாள் சிறுமி.

பூனை பேசாது' என்றார் பெரியவர்.

'பூனையின் பேச்சுக்கு தனியாக
இரண்டு காதுகள் என்னிடமிருக்கின்றன -
பாவம் உங்களுக்கு இல்லையே'
என்று இருசெவிகளின் பக்கமாக
கைகளால் சிறகடித்துக்காட்டி
மெய்யாகவே பரிதாபப்பட்டாள் சிறுமி.

''எங்கே, பூனையை பேசச்சொல்லு
பார்க்கலாம் என்றார்
மெத்தப் படித்த அந்த மனிதர்
மிக எகத்தாளமாய்.

நமக்கு வேண்டுமென்றால்
'நாம் தான் பூனையிடம் பேசவேண்டும்
என்ற சிறுமி
மியா….வ்.... மியா…வ்.....என்று
மென்மையாக அன்பொழுக
தன்பாட்டில் அழைத்தபடியே
அவரைக் கடந்துசென்றுவிட்டாள்.