தமிழ்க்கவிஞர் ஆத்மாஜீவுக்குத் தோள்கொடுப்போம்

கவிஞர் ஆத்மாஜீவின் சமீபத்திய கவிதையொன்று கீழே தரப் பட்டுள்ளது. சிறந்த கவிஞர். காலக்ரமம் என்ற இலக்கிய இதழை நடத்தியவர். சமீபகாலமாக உடல் நலிந்தும் உழைக்க இயலாம லும்  நிதி நெருக்கடியிலும் அவர் அனுபவிக்கும் வலிவேதனை களை அவருடைய கவிதைகள் பேசிவருகின்றன. முடிந்தவர்கள் அவருக்கு உதவ முன்வரவேண்டும். எத்தனையோ சமூக நல அமைப்புகள், அரசியல் அமைப்புகள் இருக்கின்றன. இவர்கள் கொஞ்சம் இந்தக் கவிஞருக்கு உதவிக்கரம் நீட்டினால் எத்த னையோ நன்றாயிருக்கும். இதுவும் இன்றியமையாத இலக்கியப் பணிகளில் ஒன்று. படைப்பாளியின் பசிப்பிணி போக்குவது.

வாய்க்கரிசி வாங்கிக் கொண்டு போய்விட
தூண்டுகிறது காலம்.

வாசலில் வந்து நின்று கூப்பாடு போடுகிறது
கழுத்தை நெறிக்கும் கைகள்.

நெஞ்சக்கூட்டில் கழுவேறியவனின் குரல்
நிராதரவாய் ஒலிக்கிறது.

கற்றுப் புரியா வாழ்வின் பாடம்
மொழிதெரியாதவனின் சாபம்.

இணையாளின் கால்களுடன் இணைந்து
வெளியேறத் துடிக்கிறது உயிர்க்கால்கள்.

கட்டங்கடைசியில் மரணத்தைக் கையேந்தி
வாய்க்கரிசியை மென்றபடி பயணிக்கிறோம்.

எங்கோ காத்திருக்கிறது எங்களை
ஏற்றுக் கொள்ளும் நதி.

ஆத்மாஜீவ்

தொடர்புகொள்ள விரும்புவோர் அணுகவும்

வி.சி.ராஜேந்திரன் ஆத்மாஜீவ் அலைபேசி/வாட்சப் : 84385 44124