ஆளுமை

ஆளுமை

’ரிஷி’(லதா ராமகிருஷ்ணன்)

 ஆம், நான் ராணிதான்.

தங்கமும் வைரமும் இழைத்த கிரீடத்தைவிட

இந்தச் சிறகுகள் செருகப்பட்ட மணிமகுடம்தான்

விலைமதிப்பற்றது எனக்கு.

எனக்கு நட்சத்திரங்களோடு விளையாடப்போகவேண்டும்.

எனக்காக ஐஸ்க்ரீமும் பொம்மைக்காரும் வாங்கிவரப்போகின்றன

சிங்கமும் புலியும்.

நடுக்கடலில் எனக்காகக் காத்துக்கொண்டிருக்கிறது திமிங்கலம்

தின்பண்டம் ஏதாவது தரும்....

தத்துப்பித்தென்று பேசுவது குழந்தையின் இயல்பு;

வளர்ந்தவர்களுக்கு அழகு குத்திக்கிழிப்பது.