பிரம்மம் _ ரிஷி (லதா ராமகிருஷ்ணன்)

பிரம்மம்

ரிஷி

(லதா ராமகிருஷ்ணன்)

உந்துவது

கால்களா காற்றா மனமா

காலமா அந்த ஆறா வேறா

ஏகாந்தம் அப்படியொன்றும் ஏகாந்தமல்ல

என் என்பதும் நான் என்பதும்

ஒருமை பன்மை மயங்கித் திரிய

என்னோடு நானிருக்குமொரு

அந்தரவெளி;

ஏகாந்தத்தின் கோட்டுருவை வரைவதற்கும்

சாட்சாத் ஏகாந்தத்தில் கரைவதற்கும்

இடைப்பட்ட பெரும்பிளவில்

ருத்ரனின் பிரதாபம் நிசப்தத்தின்

ஓங்காரமாய் ரீங்கரிக்க

ஊஞ்சலாடிக்கொண்டிருக்கும்

முடிவிலி கவிதையின்

ஒரு துளி.

(*கவிஞர் பிரதாப ருத்ரனுக்கு)